Malarazza

Lamento di un servo ad un Santo crocifisso

(Lionardo Vigo Calanna marchese di Gallodoro 1799-1879)

 

Un servu, tempu fa, di chista piazza,
Cussì prijava a un Cristu, e cci dicia:
Signori, u me’ patruni mi strapazza,
Mi tratta comu un cani di la via,
Tuttu si pigghia ccu la so manazza,
La vita dici chi mancu hedi mia;
Si jò mi lagnu cchiù peju amminazza,
Ccu ferri mi castija e prigionia;
Undi jò vi prejiu, chista mala razza
Distruggitila vui, Cristu, pri mia.


E tu forsi chi hai ciunchi li vrazza,
O puru l’hai ‘nchiuvati comu a mia?
Cui voli la giustizia si la fazza,
Nè speri ch’autru la fazza pri tia.
Si tu si’ omu e non si’ testa pazza,
Metti a profittu sta sintenza mia.
Iò, non saria supra sta cruciazza,
Si avissi fattu quantu dicu a tia.

 

Traduzione

 

Un servo, tempo fa, in questa piazza
cosi’ pregava a Cristo e gli diceva
Signore, il mio padrone mi strapazza
mi tratta come un cane randagio
prende tutto con la sua manaccia
dice che nemmeno la mia vita e’ mia
se mi lamento, peggio mi minaccia
mi castiga e mi imprigiona ai ferri
quindi vi prego questa razza cattiva
distruggetela voi cristo, per me.

 

E tu sei forse senza braccia
o forse le hai inchiodate come me?
chi vuole la giustizia se la faccia
non sperare che altri la facciano per te
se tu sei uomo e non un pazzo
trai profitto da questo mio consiglio
io non sarei sopra questa crociaccia
se avessi fatto quello che ora dico a te.

 

 

Malarazza

(Domenico Modugno 1928-1994)

 

Nu servu tempu fa d’intra na piazza
Prigava a Cristu in cruci e ci dicia
Cristu lu mi padroni mi strapazza
Mi tratta comu un cani pi la via

 

Si pigghia tuttu cu la sua manazza
Mancu la vita mia dici che è mia
Distruggila Gesù sta malarazza
Distruggila Gesù fallu pi mmia

fallu pi mia.

 

Tu ti lamenti ma che ti lamenti, pigghia nu bastoni e tira fora li denti
Tu ti lamenti ma che ti lamenti, pigghia nu bastoni e tira fora li denti

 

E Cristu m’arrispunni dalla cruci
Forsi si so spizzati li to vrazza
Cu voli la giustizia si la fazza
Nisciuni ormai chiù la farà pi ttia

 

Si tu si un uomo e nun si testa pazza
Ascolta beni sta sentenzia mia
Ca iu ‘nchiodatu in cruci nun saria
S’avissi fattu ciò ca dicu a ttia
Ca iù ‘inchiadatu in cruci nun saria

 

Tu ti lamenti ma che ti lamenti, pigghia nu bastoni e tira fora li denti
Tu ti lamenti ma che ti lamenti, pigghia nu bastoni e tira fora li denti